مسجد وصيف دوت نت
أهلا وسهلا بك أخى وأختى فى منتديات مسجد وصيف دوت نت
يسعدنا دائما أن تكونوا معنا - تفضل بالتسجيل فى منتديات مسجد وصيف دوت نت
مسجد وصيف دوت نت

منتدى خواطر وتعارف مسجد وصيف
 
الرئيسيةالرئيسية  البوابةالبوابة  التسجيلالتسجيل  مكتبة الصورمكتبة الصور  دخولدخول  

شاطر | 
 

 من داخل الميكروباص

اذهب الى الأسفل 
كاتب الموضوعرسالة
المدير العام

avatar

عدد الرسائل : 6490
السٌّمعَة : 7
نقاط : 6232
تاريخ التسجيل : 25/01/2007

مُساهمةموضوع: من داخل الميكروباص   الإثنين 15 سبتمبر - 19:59


من داخل الميكروباص!





( من وحي ما يحدث داخل ميكروباصات القاهرة ... الميكروباص يغادر المحطة متجها إلى طريقه )


السائق: والنبي يا إخوانا الأجرة مع بعض .. والأجرة موحدة يا أخوانا إحنا بالليل

( يبدأ الركاب الآن في تجميع الأجرة ويرسلونها واحد تلو الآخر للسائق )

السائق : لسه فيه ناس ما دفعتش .

يصيح راكب بأعلى صوت : على جنب يا أسطى الله يكرمك .

فيتدخل آخر : والناصية الجاية معاك يا ريس .

راكبة تخاطب الراكب الذي أمامها : والنبي أديله واحد يا خويا

فيتدخل آخر وهو يسلم السائق الأجرة : خليهم اتنين معاك لو سمحت

راكب من الكنبة الخلفية يرسل الأجرة : خد أتنين من الجنيه وواحد من الخمسة جنيه

زميله في نفس الكنبة : أبعت ربع جنيه ورا يا أسطى

( السائق يرسل الربع جنيه للراكب )

راكب بجوار السائق : الباقي يا أسطى عشان نازل

راكب مر عليه الربع جنيه أثناء محاولة وصوله إلى صاحبه : والنبي يا أسطى الربع جنيه ده مقطوع غيٌره .

( الربع جنيه وصل إلى السائق من جديد )

السائق يتساءل : حد معاه ربعين ؟

صاحب الباقي يسأل من الكنبة الخلفية : معاك ربع وتاخد ُنص ؟

السائق : معايا ..

( تمت الصفقة بنجاح .. تمر فترة يظن فيها الجميع أن الأجرة وصلت كاملة للسائق )

السائق : حد عايز فكة 5- 10- 20

راكبة مسنة من الكنبة الأمامية : ثانية واحدة والنبي لما أنزل يا ابني .

( يهدئ السائق السرعة ويقف على الناصية )

السائق : أنزلي يا حاجة على مهلك .

فيرد أحد الركاب : ربنا يشفي كل مريض

وتبدأ الراكبة المسنة في الدعاء للسائق : ربنا يوقف لك ولاد الحلال .. متشكرة أوي يا ابني .. ربنا يسهل لك طريقك يا ابني ..

( السائق وهو ينظر للسماء مقبلا وجه وظهر يده اليمنى )

السائق : والله يا جماعة عليها أقساط .. والمخالفات ما بترحمش .

راكب في الكرسي المجاور : ربنا يفتح عليك وعلينا يا أسطى

راكب من الكنبة الوسطى : قبل الكوبري معاك يا أسطى

السائق بكل حزم وهو يعد فلوس الأجرة : قبل الكوبري ممنوع عشان فيه دورية .

( بعد لحظات صمت يكتشف السائق نقصاً في الأجرة )

السائق يصرخ في الركاب : يا جماعة اللي ما دفعش ورا

عدد من الركاب يتبرعون بالرد : كل العربية معاك يا عم .

السائق يصر : لسه فيه واحد ناقص يا جماعة .

راكبة ترد : يا خويا دا ابني وقاعد على حجري .

( السائق يهدئ وينظر خلفه للراكبة )

الراكبة وهي ترفع ابنها لأعلى : ده واد صغير .. عاوز أجرة عليه كمان

راكب يتدخل في الحوار : الناصية الجاية يا ريس .

السائق : كل ده صغير يا ست .. ده شحط في الجامعة أهو

الراكبة ساخرة من كلامه : يسمع منك ربنا يا خويا ويطلع دكتور أو باشمهندس أد الدنيا

الراكب يتدخل صارخاً : إيه يا أسطى .. مش قلت لك على جنب

السائق وهو يشوح بيديه للراكب : يا بيه معلش ما سمعتش

الراكب بقرف : أنت أطرش ولا إيه

السائق : ليه الغلط يا فندي

( الراكب وهو ينزل من الميكروباص )

الراكب: أنا أغلط زي ما أنا عاوز .. ده أنا أشتريك وأشتري عربيتك دي

السائق يخاطبه وهو يرحل بعيداً : ما دام أنت غني أوي كده أركب تاكسي يوصل لك لغاية الشقة فوق ... ( الميكروباص ابتعد ) .. يا ابن .... يا ... يا ... عالم ولاد ...

عدد من الركاب : خلاص يا أسطى صلي ع النبي .

السائق يبرر شتائمه : ما هو اللي بيغلط يا أخوانا .. والله ما جيت جنبه

راكب مجاور : معلش يا أسطى

السائق : والله يا أفندية الواحد مش عارف يعمل إيه للزباين .

( الميكروباص يصل المحطة .. )

السائق : يالا يا إخوانا .. آخر الخط .. حمد لله ع السلامة .

_________________

By ibnimos-
الرجوع الى أعلى الصفحة اذهب الى الأسفل
http://ibnimos.frbb.net
 
من داخل الميكروباص
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مسجد وصيف دوت نت :: سلوكيات خاطئه-
انتقل الى: