مسجد وصيف دوت نت
أهلا وسهلا بك أخى وأختى فى منتديات مسجد وصيف دوت نت
يسعدنا دائما أن تكونوا معنا - تفضل بالتسجيل فى منتديات مسجد وصيف دوت نت
مسجد وصيف دوت نت

منتدى خواطر وتعارف مسجد وصيف
 
الرئيسيةالرئيسية  البوابةالبوابة  التسجيلالتسجيل  مكتبة الصورمكتبة الصور  دخولدخول  

شاطر | 
 

  نصائح منزليه

اذهب الى الأسفل 
كاتب الموضوعرسالة
المدير العام

avatar

عدد الرسائل : 6493
السٌّمعَة : 7
نقاط : 6237
تاريخ التسجيل : 25/01/2007

مُساهمةموضوع: نصائح منزليه   الجمعة 19 ديسمبر - 19:32

مشاركة ‏منشور‏ ‏‎Heba Roushdy‎‏ من قبل ‏ثقف نفسك‏.
12 دقيقة ·
ثقف نفسك

نصائح منزليه

1- لما تيجى تعملي فراخ بانيه او بوفتيك افردي كيس بلاستك وحطى عليه البقسماط والتتبيلات وتبلي عليه وبعدين لما تخلصي لمى الكيس وارميه على طول كدة هتوفري غسيل طبق كمان هتحمى حوضك من الانسداد بسبب البقسماط اللي بيقع في الحوض اثناء الغسيل

2- لو وقعتى زيت على الارض متجريش تجيبى فوطة وتمسحيه لا رشيى عليه ملح وسبيه دقيقتين تلاتة وبعدين اكنسية بالمقشة والجاروف واتفاجئي بالسحر ولا اكن في حاجة وقعت

3- حطى حتة فحم في طبق صغير في اى مكان بيطلع روائح غير مستحبة زى الجزامات والتلاجات والفريزر و اى ضلفة مطبخ او خزين بتسحب كل الروائح تماما

4- لما يقع منك بيض على الارض او على التربيزة بيض نى طبعا اوعى تمسحيه بفوطة لا امسحيه بمنديل كلينكس وارمى على طول لان الفوطة بتبقى ريحتها وحشة اوى لو مسحتى بيها بيض حتى بعد الغسيل وكذلك اللبن

5- ما تمسحيش رخامات المطبخ بالكلور امسحيها بالخل بيقتل الجراثيم ومادة طبيعية

6- لو عندك حاجة نحاس متجبيش نحيتها مايه بنص ليمونة وادعكيها هترجع جديدة

7- لو عندك مكواه بخار وحاسة ان كفائتها قلت حطى في خزان الماية خل وسخنيها وسبيها ربع ساعة في الفيشة على اعلى درجة وبعدين اضغطى على دافع البخار لحد ما يتبخر كل الخل حتلاقي طلع حاجات كدة زى الطين ودى رواسب الماء لما بيغلي ويتبخر وكررى الطريقة مع مايه عادية مرتين لشطف خزان الماء وفوطة مبلولة امسحى الرواسب اللي خرجت حتلاقيها رجعت جديدة

8- عاوزة عيون البوتجاز الاستانلس تبرق انقعيها مع قشر ليمون ومايه سخنة في طبق وبعدين بصابونة وش لوكس او كامى او اى حاجة حطى منها حته على ليفه وادعكى حترجع جديدة

9- لبسي الباسكت اللي في الغرف اكتر من كيس فوق بعض بحيث يتملي واحد تشليه تلاقي واحد مكانه وبكدة توفري وقتك في تغيير الكيس كل يوم

10- دايما خلى عندك فرشة بايد

وهاتى علبة شاور جل او شامبو فاضيه وحطى فيها سائل تنظيف انا بحط كلوركس كلين اول ووانتى بتغسلي وشك الصبح حطى شوية سائل وادعكى الحوض في اقل من دقيقة بقى زى الفل

11- اول ماتصحى الصبح وانتى لسه بتلبسي شبشبك عدلي ملاية السرير والمخدات وبكدة تكونى خلصتى من مهمة يومية من غير ماتخدي باللك

12- وانتى واقفه تعملى الشاى ولا النسكافيه على ما الماية تغلي روقى درفة واحدة في المطبخ تكون عاوزة تتروق

لو شايفاها نصايح مفيدة اعملى شير عشان غيرك يستفيد

_________________

By ibnimos-
الرجوع الى أعلى الصفحة اذهب الى الأسفل
http://ibnimos.frbb.net
 
نصائح منزليه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مسجد وصيف دوت نت :: منتدى المرأه-
انتقل الى: